انا مزوجة 5 ونص مع واحد الانسان بديت معاه من الزيرو كنت كنتعاون معاه كنطيب معاه الماكلة فالدار و كيخرج ابيعها لمدة عاماين ووتسلفت ليه من عائلتي 2 مليون ودار مشروع ديال سناك اوا تمشا ليه.
فاللول كان كيتعامل مزيان بقا كيدخل من المشروع و مرة مرة نخرج نعاونو فيه اوا السيد بقا اتبدل بدا بالخيانة مابقيناش كنتفاهمو ولا بيناتنا مشاكل. بغا اخرجني نخدم.معاه يوميا فالسناك ضربت معاه واحد الشهر تهديت.كولشي مني جالسة فلاكاب نغسل الدجاج و نعمرو و الشلايد و 6 دالكوكوطات لي ندير
تهديت ماباقيش قديت كان كيعطيني 50 درهم للنهار بغيت نبقا نخبيها قالي درتها ليك باش تهزي راسك المهم صبري تقادا قلت و الله لاباقي زدت معاك .جلست فالدار نقابل ولدي كان عندو 3 سنين اوا السيد جعر مابقات ليه خدامة اوا ولات الخيانة بالعلالي و يبات برا الدار مشيت درت ليه الشوهة مع دار جداتو معايا فنفس المدينة مرضااش قدامهم و قالي غير سيري لداركم راكي حراميتي عليا و براتك توصلك
نهار لاخور جا بابا مشيت معاه تسنيت شهر و نص فدارنا مكاين والو عيط ليه بابا قالو شنو.درت فهادشي قالو تمشي طلق راسها
صبرت واحد 10ايام كنت غندعيه على النفقة هاهو جاي كيبكي و ارغب و ابوس ليدين و الرجلين
المهم دبا عام باش رجعت ليه ساعة.مكاين لا جيديد لا والو بغاني نعاود.نخرج نعانو فالسناك مابغيتش قلتلو هاديك لي منعاودهاش. جعر مشا تعرف على وحدة و تافق هو وياها على الزواج وقالها على الخدمة تعانو و قبلات ليه.. عل حساب هدرتو هو باغي الطلاق انا لي نطلق راسي و انا باقة فيا الشمتة ديال اني عاونتو و درت ليه مشروع ونخرج هاكاك
المهم دوزنا نص عام لحد الان وحنا شد ليا نقطع ليك ماباغاش نخوي الدار ليه كنا غير كاريين ولا كيضرب ولا كيستفزني كلمة زوج تخسار الهدرة واحد المعاملة خااايبة
المهم هاديك ليكان معول عليها ماصدقاتش ليه.. وغير كنتجسس عليه عندي فيديو دالو صوت و صورة كيهدر معاها فواحد الغابة هو باين وجهو هي لا غير صوتها مكاين غير حبيبي...
هادشي داز عليه ست شهور دبا بلا منطول عليكم
انا دبا فدارنا عاوتاني شهر ونص هادي جيت مضروبة وجهي كامل زرق درت محضر فالمحكمة وسانيه وكيل الملك وخديت الشهاادة ولكن ماعطاونيش فيها بزااف يلاه سيمانة يلاه بغيت نديكلاري وهي تجي خالتو بقات تحزر كنت مزالة عندو هزيت.حوايجي غير ديال البرد وجيت انا ولدي لدارنا دبا بقا كيهدر معايا ملي جيت داير راسو نادم وانا غير اه اه اه معارفش واش دايرة محضر فالمحكمة كان كيتعامل زعما مزيان.باش.نسى داكشي ديال الضرب شوية قالي اوا اجي رجعي راني.توحشتك قلت ليه انا لي داز عليا هاد العام من.خيانة و ضرب مقادراش نرجع دبا باغة ارتاح
قالي الى.ماجيتش منهانا 3 ايام متعرفيني مانعرفك
مجاوبتوش نهائيا و هو اقطع الهدرة دبا 15 اليوم باش صونيت ليه على ود المصروف ديالي و دالولد قالي معنديش باك اصرف عليك
دبا قولولي شنو ندير مع هادا باغة ندفع دعوة النفقة هي اللولة . عاد الطلاق للضرر
للاشارة عندي شهود من الجيران على الضرب
وهاداك المحضر لي درت و.ماكملتش فالمحكمة واش نافع وولا لا
وماشي فنفس المدينة